प्रधानमंत्री मुद्रा योजना महाराष्ट्र 2024

प्रधानमंत्री मुद्रा योजना (PMMY) महाराष्ट्रमधील लघु आणि मध्यम उद्योगांना (MSME) स्वयंरोजगार आणि नवीन व्यवसाय सुरू करण्यासाठी आर्थिक सहाय्य प्रदान करते.

प्रधानमंत्री मुद्रा योजना (PMMY) ही भारतातील सूक्ष्म आणि लघु उद्योग (MSME) क्षेत्राला चालना देण्यासाठी सरकारची योजना आहे. या योजनेचा उद्देश अशा लोकांना आर्थिक सहाय्य देणे आहे जे स्वतःचा व्यवसाय सुरू करू इच्छितात किंवा विद्यमान व्यवसाय वाढवू इच्छितात.

मुद्रा योजनेचा उद्देश

• छोटे व्यवसाय व लघु उद्योग करणारे तसेच छोटे उत्पादन करणारे उद्योग जसे दुकाने, फळ भाजी विक्रेते, ट्रक आणि टॅक्सी व्यवसाय करणारे, अन्न सेवा देणारी केंद्रे, इलेक्ट्रिक वस्तू दुरुस्ती करून देणारी दुकाने, लघुउद्योग, घरगुती अन्नप्रक्रिया, फेरीवाले, सलून, हाताने बनवण्यात येणाऱ्या घरगुती वस्तू, व असंख्य छोटे व्यावसायिक तसेच लघु उद्योग सुरू करण्यासाठी  इच्छुक असणाऱ्या व्यावसायिकांना प्रोत्साहन देणे व बँकांमार्फत कर्ज उपलब्ध करून देणे हे या मुद्रा लोन योजनेमागील प्रमुख उद्देश आहे.
• ग्रामीण आणि शहरी भागात स्वयंरोजगार निर्मिती वाढवणे.
• MSME क्षेत्राचा विकास करणे.
• बेरोजगारी कमी करणे.

प्रधानमंत्री मुद्रा योजनेतील कर्जाची वर्गवारी

प्रधानमंत्री मुद्रा योजनेतील कर्जाची वर्गवारीतील 3 प्रकारात करण्यात आली आहे.

1. मुद्रा लोन योजना कर्ज शिशू श्रेणी

या वर्गवारीसाठी 50 हजार रुपयांचे कर्ज देण्यात येते या दिल्या जाणाऱ्या कर्जावर प्रत्येक महिन्यासाठी 9 टक्के व्याज व वर्षासाठी 12 टक्के व्याजदर आकारला जातो
या श्रेणीअंतर्गत दिल्या जाणाऱ्या कर्जाचा कालावधी 5 वर्षापर्यंत दिला गेलेला आहे.

2. मुद्रा लोन योजना कर्ज किशोर श्रेणी

या वर्गवारीतील व्यावसायिकांना 50 हजारांपासून 5 लाखापर्यंत कर्ज दिले जाते.
या श्रेणीअंतर्गत व्याजाचा दर बँक निश्चित करते कर्जाचा कालावधी कर्ज घेणाऱ्या व्यावसायिकाच्या नावलौकिकेवर आधारित करण्यात येतो.

3. मुद्रा लोन योजना कर्ज तरुण श्रेणी

या वर्गवारीतील व्यावसायिकांना 5 लाखापासून 10 लाखापर्यंत कर्ज देण्यात येते.
या वर्गवारीतील व्याजाचा दर बँक निश्चित करते या श्रेणीतील कर्जाचा कालावधी कर्ज घेणाऱ्या व्यावसायिकाच्या नावलौकिकेवर तसेच बँकांच्या धोरणावर अवलंबून असतो.

प्रधानमंत्री मुद्रा योजनेची वैशिष्ट्ये

• या योजनेअंतर्गत देशातील बहुसंख्य उद्योजकांना जे स्वतःचा उद्योग सुरू करण्यास इच्छुक आहेत अशा व्यावसायिकांना वित्त सहाय्य मिळते.
• या योजनेअंतर्गत 10 लाखापर्यंत कर्ज उपलब्ध होते.
• या योजनेला केंद्र सरकारची 20 हजार कोटींची भक्कम भांडवली पाठबळ आहे.
• या योजनेअंतर्गत मिळणाऱ्या कर्जासाठी कोणतीही वस्तू तारण ठेवावी लागत नाही.
• या योजनेअंतर्गत मिळणाऱ्या कर्जासाठी कोणत्याही प्रकारच्या जामिनाची आवश्यकता नाही.
• या योजनेअंतर्गत मिळणाऱ्या कर्जासाठी उद्योजकास स्वतःकडील 10 टक्के सुद्धा भांडवल गुंतवणुकीची आवश्यकता नाही.
• ही योजना केवळ सरकारी बँकामध्येच आहे.
• या योजनेचा लाभ घेऊ इच्छिणाऱ्या अर्जदाराचे वय 18 वर्षे पूर्ण असायला हवे असे काही नाही.

प्रधानमंत्री मुद्रा कर्ज योजनेचे लाभ

• देशांतील कोणतीही व्यक्ती ज्याला स्वतःचा लघु उद्योग सुरू करायचा आहे तो या योजनेअंतर्गत कर्ज घेऊन स्वतःचा व्यवसाय सुरु करू शकतो.
• या योजनेअंतर्गत लघुउद्योग सुरू करण्यासाठी 50 हजार रुपयांपासून ते 10 लाख रुपयांपर्यंत कर्ज उपलब्ध होते.
• या योजनेअंतर्गत मिळणाऱ्या कर्जासाठी कोणालाही जामीन ठेवायची गरज नाही.
• या योजनेअंतर्गत मिळणाऱ्या कर्जासाठी कोणतीही वस्तू तारण ठेवायची गरज नाही.
• या योजनेअंतर्गत मिळणाऱ्या कर्जासाठी कोणतीच Process Fee आकारली जात नाही.
• या योजनेअंतर्गत मिळणाऱ्या कर्जाची परतफेड मुदत 5 वर्षे आहे.
• या योजनेअंतर्गत लाभार्थ्याला एक मुद्रा कार्ड दिले जाते ज्याच्या मदतीने लाभार्थी त्याला गरज असेल त्यावेळेस पैसे काढू शकतो.
• कर्जाची परतफेड वेळेवर केल्यास व्याजदरात सवलत मिळते.
• PMMY अंतर्गत अनेक सूचना योजना राबवल्या जातात ज्यामुळे कर्जदारांना प्रशिक्षण आणि मार्गदर्शन मिळते.

प्रधानमंत्री मुद्रा योजनेसाठी आवश्यक कागदपत्रे

• अर्जदाराचे आधार कार्ड
• अर्जदाराचे पॅन कार्ड
• अर्जदाराचे अलीकडच्या काळातील पासपोर्ट आकाराचे फोटो
• अर्जदाराचे मतदान ओळखपत्र
• अर्जदाराच्या राहत्या घराचे वीजबिल
• अर्जदार जो व्यवसाय करत आहे किंवा व्यवसाय करणार आहे त्याचा परवाना व पत्ता
• अर्जदाराच्या बँकेचे मागील 6 महिन्याचे स्टेटमेंट.
• व्यवसायासाठी विकत घ्यावयाच्या वस्तूचे / मशिनरी इत्यादींचे कोटेशन किंवा बिले.
• अर्जदाराने ज्या व्यापाऱ्याकडून यंत्रसामुग्री / वस्तू / माल घेतला असेल त्या व्यापाऱ्याचे संपूर्ण नाव व पत्ता.
• आयकर/विक्री कर विवरणासह युनिटची मागील दोन वर्षांची ताळेबंद (२ लाख कर्जाच्या वरती लागू)
• अर्ज सादर केल्याच्या तारखेपर्यंत चालू आर्थिक वर्षात साधलेली विक्री
• अर्जदार हा अनुसूचित जाती, जमाती या प्रवर्गातील असल्यास जातीचे प्रमाणपत्र.
• ड्रायव्हिंग लायसन्स
• पासपोर्ट
• राहत्या घराचा पत्ता
• टेलिफोन बिल
• प्रोपर्टी टॅक्स बिल

मुद्रा कार्ड चा लाभ

• मुद्रा लोन घेणाऱ्या लाभार्थ्याला मुद्रा कार्ड दिले जाते जे डेबिट कार्ड सारखे असते.
• लाभार्थ्याला व्यवसायासाठी जेव्हा जेव्हा पैशाची गरज असेल तेव्हा तेव्हा तो या मुद्रा कार्ड च्या सहाय्याने पैसे काढू शकतो.
• मुद्रा कार्ड सोबत एक पासवर्ड दिला जातो जो पैसे काढताना वापरायचा असतो.
• योजनेअंतर्गत गरजूना उद्योग सुरु करण्यासाठी 10 लाख पर्यंत कर्ज मिळू शकते.
• कर्जाची परतफेड 5 वर्षांपर्यंत मुदतीत करता येते.
• अनुसूचित जाती, जमाती आणि महिला उद्योजकांना व्याजदरात सवलत मिळते.

अटी व शर्ती

• या योजनेचा लाभ घेऊ इच्छिणारा कर्जदार इतर कोणत्याही बँकेच्या थकबाकीदार नसावा.
• कर्जावरील व्याजदर बँकेनुसार बदलू शकतात.

प्रधानमंत्री मुद्रा योजनेअंतर्गत बँकांची यादी

• Corporation Bank
• Dena Bank
• Federal Bank
• HDFC Bank
• Allahabad Bank
• Andhra Bank
• Axis Bank
• Bank of Baroda
• J&K Bank
• Karnataka Bank
• Kotak Mahindra Bank
• Oriental Bank of Commerce
• Bank of India
• Bank of Maharashtra
• Canara Bank
• Central Bank of India
• IDBI Bank
• Indian Bank
• Indian Overseas Bank
• United Bank of India
• Syndicate Bank

प्रधानमंत्री मुद्रा योजनेसाठी अर्ज करण्याची पद्धत

• प्रधानमंत्री मुद्रा योजने अंतर्गत लाभ घेण्यासाठी आपल्याला जवळच्या बँकेत जाऊन मुद्रा योजना कर्जाचा अर्ज घ्यावा व अर्जात विचारलेली सर्व माहिती भरून योग्य त्या कागदपत्रांची झेरॉक्स प्रत जोडून सदर अर्ज बँकेत जमा करावा.
• तुमच्या कागदपत्रांची पडताळणी करून 1 महिन्यानंतर लोन दिले जाते.

अधिक माहितीसाठी:

• PMMY च्या अधिकृत वेबसाइटला भेट द्या: https://mahamudra.maharashtra.gov.in/
• जवळच्या बँकेच्या शाखेचा संपर्क साधा.

राज्यांनुसार टोल फ्री क्रमांक

महाराष्ट्र शासनाच्या इतर योजना